Иран полициясы билікке қарсы көтерілістерді басты

Бірақ, қажет болса, армия тәртіп сақшыларына көмектесуге дайын. Мұны Ислам Республикасының әскери қолбасшысы, генерал-майор Абдулрахим Моусави мәлімдеді.

Естеріңізге сала кетсек, өткен аптада Иран жастары мен жұмысшылары экономикалық қиындықтарға қарсы шеруге шықты. Кейін оларға білімді орта тап қосылды. Шерушілер Батысқа қарсы ұрандардан шаршағанын айтып, үкімет пен діни элитаның отставкаға кетуін талап етті.

Бүкіл елге тараған тәртіпсіздіктер кезінде 21 адам қаза тауып, жүздеген тұрғын тұтқындалды. Ал, Ислам Республикасының рухани жетекшісі аятолла Әли Хаменеидің сөзінше, бұл көтерілісті Иранның сыртқы дұшпандары ұйымдастырды.

Арыстан РЫСБЕК