Чилиде шерушілер жол ақысын азайтуды талап етті

Чилиде қарттар мен мүгедектер жаппай шеруге шықты. Олар үкіметтен жол ақысын төмендетуді және зейнетақыны өсіруді талап етіп жатыр. Қолдарына елдің туын ұстап, Сантьяго көшелері арқылы жүріп өткен демонстранттар түрлі ұрандар тастады. Сол арқылы манифестанттар билікті өздерінің талаптарына құлақ асуға үндеген. Ұйымдастырушылардың сөзінше, 60 жастан асқан  3 миллиондай қария мен 2 жарым миллион мүмкіндігі шектеулі жан құрметке лайық және қоғамдағы барлық игілікке қол жеткізуі тиіс. Олар талаптары орындалғанша, шеруді тоқтатпай, әрі қарай жалғастыруға бел буып отыр.

Арай ТӨЛЕГЕНҚЫЗЫ