Екі Корея лидерлері сәуірдің 27-де кездеседі

Солтүстік және Оңтүстік Корея лидерлері он жылдан астам уақытта алғаш рет кездесуге келісті. Саммит сәуірдің 27-де өтеді. Мұны бүгін Солтүстік Корея делегациясының жетекшісі Ри Сон Квон мәлімдеді. Ал, Сеул өкілі Чо Мион-гомның сөзінше, алдағы форумда тараптар ядролық қарудан бас тарту және екі Корея қатынастарын жақсарту мәселелері бойынша келіссөз жүргізеді.

Саммиттің мән-жайын талқылау ішін екі жақтың өкілдері осыдан бірнеше сағат бұрын шекарадағы Панмунджом деген қалада жүздесті.

Айта кетсек, бұған дейін Солтүстік Корея лидері Ким Чен Ын Қытайға барғанда атомдық арсеналдан бас тартуға уәде берген еді.

Арыстан РЫСБЕК