Еуропа Одағы жасанды интеллект үшін 24 млрд. доллар бөлмек

Еуропа Одағы 2020 жылға дейін жасанды интеллектті дамытуға 24 млрд. доллар жұмсамақ. Бұл қаражатты ұйымның мемлекеттік және жеке секторлары бөледі. Одақтың Сандық экономика бойынша комиссары Андрус Ансиптің айтуынша, ол басқаратын комиссариаттың өзі аталған салаға 1,8 миллиард бағыттайын деп отыр.

Соңғы зерттеулерге қарасақ, жасанды интеллектті дамытуға 2016 жылы ЕуроОдақта 4 миллиард доллар бөлінген екен. Салыстыра кетсек, бұл мақсат үшін АҚШ 23 миллиард, ал, Азия елдері 12 миллиард доллар жұмсады.

Жасанды ақыл-ой қазіргі кезде робототехника, денсаулық сақтау және өндірісте қолданылып жатыр.

Арай ТӨЛЕГЕНҚЫЗЫ