Брюссельде 500 мың гүлден кілем төселді

Бельгия астанасының орталық алаңында жыл сайынғы дәстүр бойынша гүлдерден кілем төселді. Әсем туындыны дайындау үшін 500 мың дана өсімдік пайдаланылған.

Түрлі-түсті табиғи кілем 14800 шаршы метр аумақты алып жатыр. Биылғы жылдың тақырыбы Мексиканың Гуанахуато штатына арналған.

Гүл кілемнің ортасында құс бейнеленіп, оның айналасын мексикалық флора мен фауна қоршап тұр. Айта кетсек, тірі гүлдерден төселген кілемді Брюссель орталығынан 1971 жылдан бері көруге болады. Оны арнайы тамашалауға жыл сайын ондаған мың адам жиналады.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.