Жаңа Зеландияда 145 кит жағаға шығып қалды

Жаңа Зеландияда 145 кит жағаға шығып қалып, көбі өліп кетті. Жергілікті экологтардың мәлімдеуінше, оларды құтқару мүмкін болмады. Халықаралық агенттіктердің хабарлауынша, оқиға Стьюарт аралында болған. Балықтардың мұндай жағдайын бірінші жергілікті тұрғындар көріп, содан құтқарушылар қызметіне хабарласқан.

Осы өңірлерде бұған дейін 12 кашалот жағажайға шығып қалған еді. Оның біреуінің ұзындығы 15 метр болған екен. Жаңа Зеландияда бұл таңсық жайт емес. Жылына мұнда осындай 80-нен астам жағдай тіркеледі екен. Бірақ, әдетте 2-3 кит өлетін. Ал, мамандардың болжамдарына қарағанда, теңіз жануарларының жаппай қырылуына түрлі індеттер себеп болуы мүмкін.

Мақпал СЕРЖАНҚЫЗЫ