Илон Масктің компаниясы пилотсыз автоға арналған туннель құрылысын аяқтады

АҚШ-тың Лос-Анджелес қаласында Илон Масктің компаниясы пилотсыз автоға арналған туннель құрылысын аяқтады. Ол көлікке сағатына 240 шақырым жылдамдықпен жүруге мүмкіндік береді. Миллиардер жерасты жолын салуға екі жыл бұрын өзі кептелісте тұрып қалғанда уәде берген екен. Сол кезде кәсіпкер елдің екінші ірі қаласындағы қоғамдық көлік қозғалысына көңілі толмайтынын айтып, осы проблеманы шешу үшін туннель қазамын деген екен.

Жолдың ұзындығы 3,2 шақырым. Оның салтанатты ашылу рәсімі жергілікті уақытпен кешкі сағат 8-де тікелей эфир арқылы телеарналардан көрсетілмек.

Мақпал СЕРЖАНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.