Басты Жаңалықтар Демократиялық күштердің жалпыұлттық коалициясы Елордада бас қосты

Демократиялық күштердің жалпыұлттық коалициясы Елордада бас қосты

26.01.2014 08:30

«Қазақстан-2050» Демократиялық күштердің жалпыұлттық коалициясы да баянды болашаққа бағыт сілтер бастамаларды қамтыған Президенттің Жолдауына көзқарастарын білдіріп, Елордада бас қосты.

Еліміздегі саяси партиялардың төрағалары мен өкілдері көпшіліктің келешекте көргісі келетін кемел күні, ұрпақ атты көшелі істің керуенін жалғастыру және дамудың даңғыл жолынан айнымау сияқты Жолдауда айтылған мәселелерге маңыз берді.

Сондықтан, олар «Президенттің «Мәңгілік Ел» ұлттық идеясына мұрагерлік мұратпен үңілген ұлт ұтылмайды», - деген пікірде. Өйткені, қазір Қазақстан әлемдегі өркениетті, озық 30 елдің қатарына кіруді көздеп отыр. Ол үшін жұрт жұдырықтай жұмылып, бір әулеттің баласындай ынтымақта болғаны қажет.

Бауыржан Байбек, «Нұр Отан» партиясы төрағасының бірінші орынбасары:

Ең дамыған отыз мемлекеттің арасына кіру үшін үлкен жалпыұлттық қолдау керек. Әрбір адамның сана-сезімін өзгерту, оларға түсіндіру не үшін бұл бізге керек? Мысалы, Қазақстан сондай дәрежеге жетсе, онда әрбір азаматтың жағдайы көтеріледі деген сөз. Елбасы жақсы айтып кетті. Тек қана экономикалық даму емес, әрбір адамның әл-ауқатын жыл сайын көтеру керек. Үлкен мәселе.

Бөлісу