Биыл Мәжіліс 158 заңды мақұлдады

Бұл былтырмен салыстырғанда 46, ал алдыңғы жылға қарағанда 59 заң биыл артық қабылданды деген сөз.

Биыл ел Парламенті де ерекше қарқынмен қызмет істеді. Тағы да сандарды сөйлетсек. Мәселен, Мәжіліс биыл өз қоржынына түскен 210 заңның 158-ін мақұлдаған. Бұл былтырмен салыстырғанда 46, ал алдыңғы жылға қарағанда 59 заң артық қабылданды деген сөз.

Сондай-ақ, Мәжіліс қабырғасында биыл жұмыс топтарының бір жарым мың, комитеттердің 300-ден астам, 38 жалпы және қос палатаның 3 бірлескен отырыстары өтіпті. Әртүрлі тақырыптар бойынша биыл Мәжілісте 5 бірдей Үкімет сағаты ұйымдастырылған.

Айбек ҚОБДАБАЙ