Ерен еңбектерімен қоғамның әр саласында қызмет етіп жүрген азаматтар марапатталды

Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдары қызметкерлері, спортшылар, соғыс және еңбек ардагерлері, мәдениет және ғылым қайраткерлері бар.

Еліміздің Тәуелсіздігі күні қарсаңында Қазақстан Республикасы Президентінің Жарлығымен еліміздің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі және белсенді қоғамдық қызметі үшін бір топ азамат Мемлекеттік наградалармен марапатталды.

Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдары қызметкерлері, спортшылар, соғыс және еңбек ардагерлері, мәдениет және ғылым қайраткерлері бар.

«Қазақстанның Еңбек Ері» атағы «Ұлттық нейрохирургия орталығы» басқарма төрағасы Серік Ақшолақов пен Қостанай облысындағы «Қарасу» серіктестігінің бас директоры Алмат Тұрсыновқа берілді.

Сондай-ақ, ел дамуына еңбегі сіңген азаматтарға «Барыс», «Парасат», «Достық», «Құрмет» ордендері мен «Қазақстанның Еңбек сіңірген қайраткері» атағы табысталды.

Дулат ЖЕКСЕНБАЙ