БЖЗҚ. Халықтың жылдар бойы жинаған қаржысының қолды болғаны рас па?

Жемқорлық жойылмай азаматтық қоғам алға жылжымайды. Тоқсаныншы жылдардағы тоқыраудан кейін еліміз зейнетақы жүйесін түбегейлі реформалау үшін бәсекелес ортада арнайы қорлар құрды.

Ол қорлардың міндеті халықтың жалақысынан жастық шағында жиналған ақшасын жасы жеткенге дейін сақтап қана қоймай, бағалы қағаздар нарығы мен басқа да қаржылық қызметтерді игере отырып қосымша пайда табу болатын. Бірақ, біздің қорлар олай істей алмады. Ақыры 2013 жылы Үкімет барлық қорды өзіне алып, бірыңғай мемлекеттік қор жасады. Халықтың жылдар бойы табан ет, маңдайы терімен жинаған қып-қызыл ақшасы қолды болыпты. Неге?