Жаңа жылдан бастап азаматтарды уақытша тіркеуге қатысты жаңа заңнамалық талаптарға тұрғындар наразы

Жаңа жылдың алғашқы аптасы халыққа қызмет көрсету орталықтарындағы айғай-шумен басталды. Заңға енгізілген жаңа өзгеріс – пәтерін жалға берушіні де, тұрғылықты жерін ауыстырған азаматтарды да уақытша тіркелуге міндеттейді. Бұл талап орындалмаса айыппұл салынады.

Елді әуре-сарсаңға түсіріп қойған жаңа тәртіп әлеуметтік желілерде де қатты сыналды. Кейін анықталғандай, заң осыншама уайымдайтындай емес болып шықты. Яғни, азаматтардың тіркелуіне бір ай мұрсаты бар екен. Уақытында тіркеле алмаған жеке тұлғаларға бастапқыда жай ескерту ғана жасалады. Оның үстіне онлайн түрде тіркелу мүмкіндігі де бар болып шықты. Алайда, ол әлі іске қосылмаған.