Нұрсұлтан Назарбаев: Сирия дағдарысын реттеу тек бейбіт жолмен жүргізілуі тиіс

Мемлекет басшысы кеше Ресей Президенті Владимир Путинмен телефон арқылы сөйлесті. Тараптар Астана процесінің қорытындысына қатысты әңгіме қозғады. Владимир Путин келіссөздерді жоғары деңгейде ұйымдастыруға барлық жағдайды жасағаны үшін Нұрсұлтан Назарбаевқа алғыс білдірді. Қазақстан Президенті Сирия дағдарысын реттеу тек бейбіт жолмен жүргізілуге тиіс екенін атап өтіп, алдағы уақытта да бұл үдеріске жан-жақты қолдау көрсетуге әзір екенін жеткізді.