Ертең елордада Астана процесінде қол жеткізілген тетіктердің жұмысына қатысты жиын өтеді

Жаһанның «жуан» елдері Сирия мәселесін тағы да Қазақ елінің бас қаласында талқылайды. БҰҰ-ның Сирия жөніндегі арнайы елшісі Стаффан де Мистураның айтуынша, 6 ақпан күні, яғни ертең елордада БҰҰ-ның қатысуымен Астана процесінде қол жеткізілген тетіктердің жұмысына қатысты техникалық кездесу өтеді. Арнайы елші, сонымен қатар, ұйымның Қауіпсіздік кеңесіне 8-20 ақпан аралығында Женевада өтеді деп жоспарланған сирияаралық кездесулерді кейінге шегеруді ұсынғанын айтты. Себебі, Астанада айтылған бастама жүзеге асып, қақтығысушы тараптардың ымыраға келіп, пікірталасқа дайындалуы үшін уақыт қажет.

Ержан ҚАЛЫМБАЙ