Манчестердегі терорлық шабуылды «ДАИШ» мойнына алды

Шабуылшының есімі - Салман Абеди. Ол - 22 жаста. Оның әкесі бір кездері «Аль-Каидамен»  байланыста болған. Отбасымен көп жылдар Манчестерде тұрған. Алайда, Салманның өзі концерттен екі апта бұрын Ливиядан оралған екен. Ал, Скотленд-Ярдтың хабарлауынша, терактіні қылмыстық топ ұйымдастыған. Әзірге олардың 13-і  ұсталды.

Қаза тапқандардың саны – 22. 66 адам ауруханада жатыр. Олардың 23-і ауыр халде. Ал, әнші Ариана Грейдені тыңдауға барғандардың көбі – кәмелетке толмағандар. Сондықтан, құрбандардың 12-і - бала.

Бұл – Лондонда 2005 жылы 50 адамның өмірін қиған жарылыстардан кейінгі ең жойқын теракт. Премьер-министр Тереза Мэйдің сөзінше, алдағы уақытта Британияда терактінің алдын алу қиындай түспек.