Келер жылдың соңына дейін медициналық ұйымдар бірыңғай ақпараттық жүйеге көшіріледі

Бұл туралы бүгін Үкімет отырысында Денсаулық сақтау министрі Елжан Біртанов мәлімдеді. Қазірдің өзінде еліміздің біраз аймағында медицинаның іс-қағаздары электронды форматқа көшірілген. Мұндағы ең басты мәселе - барлық денсаулық сақтау орындарын компьютерлік техникалармен жабдықтау және оларды интернетке қосу.

Нәтижесінде әрбір азаматтың электронды денсаулық кітапшасы дайындалады және барлық мәліметтер желілік медициналық ақпараттық жүйеге енгізіледі.

Бұдан басқа, фармацевтика нарығын реттеу мәселесі де бүгінгі Үкімет жиынында қаралды. Министрдің сөзінше, елдегі дәрі-дәрмек нарығындағы жағдай төрт негізгі белгімен сипатталатын болады. 

Ғабит ҰЗАҚБАЙ