Чилиде қақтығыстардан 15 адам қаза тапты

Чилиде демонстранттар мен полиция арасындағы қақтығыстар өршіп, қаза тапқандар саны 15-ке жетті. Бірнеше күнге созылған наразылық акциясында 6 мыңнан астам адам тұтқындалған. Елде жарияланған төтенше жағдай мен коменданттық сағатқа қарамастан, мыңдаған адам әлі шерулетіп жатыр.

Бұл жағдай қоғамдық көлік жолақысының өсуінен басталды. Бейбіт шерулердің соңы қақтығысқа ұласып, жаппай тәртіпсіздіктер өршуде. Халық әлеуметтік жағдайдың төмендігі мен қоғамдық теңсіздікке наразы. Олар биліктен бағаны төмендетіп, жалақы мен зейнетақыны арттыруды талап етіп отыр.

Жағдайдың ушығуына байланысты ел президенті Себастьян Пинера әлеуметтік реформа қабылдайтынын айтқан. Дегенмен биліктің уәделері әбден ашынған халықты тоқтатар емес. 

Жансая Қапасқызы