Адам органдарын заңсыз ауыстырған дәрігер ұсталды

Адам ағзасын заңсыз саудалап, операция жасауға байланысты тағы бір шу шықты. Шымкентте полиция қызметкерлері № 1 қалалық клиникалық аурухананың бас дәрігері Абылай Донбайды ұстап, изоляторға қамады. Дәрігерге «трансұлттық қылмыстық топқа қатысу» және «адам органдарын заңсыз алу» баптары бойынша айып тағылған. 

Ішкі істер министрлігінің мәліметінше, 2017-2018 жылдары Қазақстан аумағында адам ағзасын сату және заңсыз операция жасау бойынша қылмыстық топ жұмыс істеген. Донорлар ретінде Қырғызстан, Өзбекстан, Украина елдерінің ақшаға мұқтаж азаматтары бүйректерін сатқан. Ал органдарды ауыстыру бойынша операциялар көбіне шетелдің қалталы азаматтарына жасалған. 

Шерхан Жамбылұлы