Германия электр станциялары 2038 жылға қарай көмірден толық бас тартпақ

Германияның электр станциялары қоңыр көмірді пайдалануды 2038 жылға қарай толықтай доғарады. Ал ел үкіметі мұндай отынмен жұмыс істейтін зауыттарға 40 миллиард еуро өтемақы бөлуді жоспарлап отыр. Осылайша, Германия атом және көмір энергетикасынан бас тартқан алғашқы ел болмақ.

Бұндай шешім климат жөніндегі Париж келісімі аясында қабылданып отыр. Қоңыр көмір – жылуды аз бөлетіндіктен, оны көп мөлшерде жағу керек. Яғни одан көмірқышқыл газы көбірек тарап, ауаны қатты ластап жатыр. Дегенмен, экологияға зиянды бұл отыннан елдегі электр қуатының 19 пайызы өндіріліп келген. Ал зауыттар одан арыла отырып, мемлекеттік субсидиямен табиғи газға ауыспақ.

Жансая ҚАПАСҚЫЗЫ