Павлодар облысында ауыл шаруашылығы кооперативтерін ашуға 70-тен аса ұсыныс түскен

Павлодар облысында ауыл шаруашылығы кооперативтерін ашуда белсенділік байқалады. Биылдың өзінде 70-тен аса ұсыныс түскен. Себебі, былтырғы жылы кооперативке біріккен фермерлер мен шаруа қожалықтары қарқынды дами бастады. Мемлекеттен пайыздық мөлшерлемесі төмен несие алып, мал санын көбейтті. Машина, трактор паркін жаңартып, дайын өнім шығаратын технологияларды алып жатыр.

Осы жылы облыста 448 үй және фермерлік қожалықтар біріктірілген 18 кооператив құрылды. Мал, техника сатып алып, өндіріске жаңа технологиялар енгізу үшін оларға 220 млн. теңгеден астам қаржы бөлінді.

Болат АМАНБАЕВ