Теміржол саласының басшылары елордада бас қосты

Еліміздің теміржол саласындағы өндіріс орындарында отандық өнім үлесі 30 процентке әрең жетіп отыр. Отарбалар мен вагондарды құрастыру кезінде көптеген бөлшектері шетелден әкелінеді. Осы олқылықтың орнын толтыру үшін елордада еліміздің машина жасайтын кәсіпорын басшылары бас қосты. 

Саладағы басты мәселелердің бірі - жаңа тауар шығару үшін аккредитация мен сертификаттар алу қиындығы. Бұл тұрғыда «Қазақстан темір жолы» компаниясы орта және шағын зауыттарға көмектесуге ниет білдіріп отыр. Сондай-ақ еліміздің 30 шақты зауыт өзара меморандумдарға отырып, әріптестікті нығайтуға келісті. 2025 жылға қарай теміржол саласындағы өнідірісте қазақстандық үлесті 40-45 пайызға жеткізу жоспарланып отыр. 

Шерхан Жамбылұлы