Қостанайда мас күйінде көлік жүргізген полицей жұмыстан шығарылды

Қостанайда ішімдік ішіп көлік жүргізген полиция қызметкері жұмыстан қуылып, 15 тәулікке қамалды. Оны 2 ақпан күні таңғы сағат 04:00 кезінде жол сақшылары облыс орталығындағы Жамбыл көшесінде тоқтатқан. Тексере келгенде жүргізушінің ішімдік ішкені, өзінің аға лейтенант шеніндегі жедел уәкіл екені анықталды. 

Еңбек демалысындағы уәкіл жеке көлігімен жүрген. Сол жерде хаттама толтырылды, арнайы медициналық тексеру тәртіп бұзушының мас екенін көрсетті.

Дәуренбек Әбдібек