ЕО мен Қазақстан арасында ортақ жобалар жүзеге асырылмақ

Еуропалық Одақ елдері Қазақстанның мемлекеттік қызметті жетілдіру тәжірибесін игеріп, ортақ жобаларды бірігіп жүзеге асыруға ниетті. Бұл туралы олар Брюссельде өткен «Орталық Азиядағы мемлекеттік қызметті жетілдіру мақсатындағы серіктестік, Қазақстанның рөлі» атты басқосуда мәлімдеді. Онда Астана мемлекеттік қызмет хабының жұмысы көпшілікке таныстырылды. Хабтың жұмысына Бельгия үкіметі қызығушылық танытып, мемлекеттік қызметкерлерді іріктеу, оларды сатылап жоғарылату тәжірибесімен бөлісуге дайын. Ол үшін қос тарап өзара түсіністік туралы меморандумға қол қойды. 

Нұрсұлу ҚАСЫМ