Мақтааралдық 800-дей бала эвакуациялық орталықтарда білім алып жатыр

Мақтарал ауданындағы 4 мектептің 800-ден астам оқушысы сабақты эвакуациялық орталықта жалғастырып жатыр. Балаларға психологиялық салмақ түспес үшін қашықтан оқумен қатар, мұғалімдер бұрынғыша сабақ өтуде.

Бірақ әдеттегідей әр сынып жеке жеке отырмайды. Жинақталып, топтастырылған. Бастауыш бір бөлек, ересектер өз алдына, жоғары кластар бөлініп оқиды.

Апаттың кесірінен қазір 800-дей бала эвакуациялық орталықтарда білім алып жатыр. Тағы мыңға жуық оқушы туыстарының үйінде жатып, қашықтан білім алуда.

Мақтарал ауданында тасқынннан 4 мектеп пен 6 балабақша көлкілдеген судың ортасында қалды. Оның біреуі қайта салынып, үшеуі жөнделеді. Ал апат болған ауылдарда суды сорып алу жұмыстары әлі де жалғасуда.

Ғани ҚАЛМАХАН