Басты Жаңалықтар Шымкентте пәтер тонаумен айналысып келген қылмыстық топ ұсталды

Шымкентте пәтер тонаумен айналысып келген қылмыстық топ ұсталды

06.06.2014 08:00

Шымкенттік полицейлер пәтер тонаумен айналысып келген қылмыстық топты ұстады. 5 адамнан құралған топ жыл басынан бері 20-дан астам үйді тонап, үй иелеріне 10 миллион теңге шығын келтірген.

Тәртіп сақшыларының айтуынша, қаскөйлер бір сызбамен жұмыс істеген. Алдымен бақуатты отбасын таңдайды. Сол күні есігін қағып көреді. Үйде ешкім жоқ екеніне көз жеткізген соң, арнайы құралдар арқылы терезеден кіреді. Сөйтіп, алтын бұйымдар мен ақшаны алып кетіп отырған.

Құқық қорғаушылар ұрыларды ұстауға жарты жыл уақыттарын жұмсапты. Қазір 1991 және 1995 жылы туған жасөспірімдер қамауға алынды. Олардан айғақ зат ретінде тоналған алтындар мен ақша және шолақ мылтық тәркіленіп алынды.

Салтанат Қаракөзова, ОҚО ІІД баспасөз қызметінің жетекшісі:

20-ның 7-і аса ірі көлемдегі ұрлық. Қазіргі таңда күдіктілерге қатысты ҚР ҚК 175-бабы бойынша қылмыстық іс қозғалды, тергеу амалдары жүргізілуде.

Айнұр АҚБАЕВА

Автор

Айнұр Ақбаева

Бөлісу