Су құзғындары майқан балығына қауіп төндіруде

«Марқакөл» қорығындағы майқан балығына құзғындар қауіп төндіріп тұр. Мамандардың зерттеуінше, баклан деп аталатын құс күніне кем дегенде 3 келі майқан балығының шабақтарын жеп қояды. Бұл Марқакөл өңірінің мақтанышына айналған - майқан балығының өсіп, көбеюіне айтарлықтай залал келтіріп отыр.Майқан балығы әлемде Канадада және қазақтың Марқакөлінде ғана өмір сүреді. Сирек кездесетін су жәндігінің еліміздегі саны миллионнан асады. Бірақ қорегіне айналдырған қомағай құс индивид балыққа тыныштық берер емес.

 Шәріпхан Жүнісов, Қорықшы:

10-15 тереңдікке дейін түсіп, су астында 8-10 минутқа дейін шыдайды. Сосын олар балықты жаппай қаумалап әкеліп жағаға шығарады да, талқандап жейді.

Раушан Сайлауқызы