Елордаға адам мәйітін өртейтін крематорий салынбайды

Елордаға адамның мәйітін өртейтін крематорий салынбайды. Қоғамдық денсаулық сақтау басқармасының басшысы Тимур Мұратов халық арасында шу болған ақпараттың жалған екенін мәлімдеді. Құны 1 жарым млрд теңгеге бағаланған нысан крематорий емес, патолого-анатомиялық бюро болып шықты. Дәл осындай ғимарат елордада бұрыннан бар. Бірақ 1974 жылы салынғандықтан, қазіргі талаптарға сай емес. Тозығы жетіп, әбден ескірген. Сондықтан диагностика жасайтын жаңа медициналық мекеме бой көтереді.

Тимур Мұратов, Нұр-Сұлтан қаласы Қоғамдық денсаулық сақтау басқармасының басшысы :

Бұл ғимараттың 80 пайыз қызметі диагностика жасау. Алғашқы бағыты операция кезінде морфологиялық диагноз қою. Одан соң онкологиялық ауруларға зерттеулер жасау.

Раушан Сайлауқызы