Мектеп пайдалануға берілді: Ұлттық арна көтерген тағы бір мәселе шешілді

Алматы облысының Қосағаш ауылында Ұлттық арна тілшілерінің араласуынан кейін жаңа мектеп салынып, пайдалануға берілді. Осыдан екі жыл бұрын елді мекеннің білім шаңырағы апатты жағдайда тұрғаны туралы мәселе көтерілген болатын. Өңір басшылары 700 млн теңге қаржы бөліп, екі қабатты ғимарат тұрғызылды. Бүгін ауылдың 90-ға жуық оқушысы жаңа білім шаңырағының табалдырығын аттады. Қосағаштық оқушылар штаттық режимде білімін жалғастыра бермек. 

Қуаныш Қанатұлы