ОПЕК: Мұнайға сұраныс 9%-ке өседі

Алдағы 25 жылда мұнайға сұраныс азаймайды. Қара алтын энергияның негізгі көзі болып қала береді. ОПЕК кезекті есебінде мұнайға сұраныс 9%-ке өседі деген болжам жасады. Алайда жыл өткен сайын тұтыну көлемінің біртіндеп төмендейтінін айтады. Дүниежүзі қазір газға және жаңартылатын энергия көздеріне көшіп жатыр. Әсіресе соңғысы енді жыл сайын 6,5%-ке өседі деген болжам бар. Мұнайдан бөлек алда көмірді де тұтыну айтарлықтай төмендейді. Дегенмен осы аптада Brent 10%-ке, WTI 11%-ке қымбаттады. Қазір Brent маркалы мұнай 43 долларға, ал WTI 41 долларға бағаланып отыр. 

Ақерке Бектас