Табиғат қорғаушылары «Елім-ай» сыйлығымен марапатталды

Қазақстанда тұңғыш рет орман шаруашылығын сақтау мен жануарларды қорғау саласындағы қызметкерлерге «Елім-ай» сыйлығы табысталды.

Қоршаған ортаны қорғауда еңбегі сіңген азаматтар 16 аталым бойынша марапатталды. Шараға министрлер мен депутаттар, олимпиада чемпиондары, елге белгілі тұлғалар қатысты. «Елім-ай» марапатын табыстау енді жыл сайын дәстүрлі түрде өтеді деген жоспар бар.

Мағзұм Мырзағалиев, ҚР Экология, геология және табиғи ресурстар министрі:

Өткен жылы ақбөкендерді қорғау жолында қорықшыларымыз Ерлан Нұрғалиев пен Қаныш Нұртазиновтың браконьерлер қолынан қаза тапқанын ешкім ұмытқан жоқ. Бүгінгі шара - осынау игі жолда құрбан болған өз ісіне шын берілген азаматтардың еңбегін ескерудің бір көрінісі.

Ақниет Балтанова