Коронавирус салдарынан Қазақстан бюджетіне 1,1 трлн теңге түспей қалған

Бұл туралы бүгін брифингте ҚР Қаржы министрлігі Мемлекеттік кірістер комитетінің төрағасы Марат Сұлтанғазиев мәлім етті.   

«Тоғыз айдағы бюджеттің жоғалтқан сомасын 1 трлн 100 млрд теңгеге бағалап отырмыз», - деді Марат Сұлтанғазиев сұрақтарға жауап бере отырып.

Бұл ретте, мемлекет коронавирус кезінде бизнеске көмектесу үшін 1,5 млрд теңге шамасында қаражат бөлген. Жалпы, Сұлтанғазиевтің мәліметіне сүйенсек, салық берешегі 5,2% -ға азайып, 195,5 млрд теңгені құраған.