Пандемия салдарынан салық түсімі азайды

Дүниежүзілік банктің базалық болжамына сәйкес, биыл әлемде жалпы ішкі өнім 5,2 пайызға қысқаруы мүмкін. Ал Қазақстанда короновирус салық түсіміне кері әсер етті. Пандемия салдарынан бюджет шамамен 1 триллион 100 миллиард теңге жоғалтты. Бұл туралы Мемлекеттік кірістер комитетінің төрағасы айтты. Шағын бизнеске жеңілдіктер, төлемді кейінге шегеру секілді қолдауларға 1 жарым триллион теңге жұмсалған. 9 айда республикалық бюджет 82 процентке ғана орындалды. 

Марат Сұлтанғазиев, ҚР ҚМ Мемлекеттік кірістер комитетінің төрағасы:

-Қазақстан Республикасының көрсеткіші бойынша үшінші елдермен тауар айналымы жыл басынан бері 13 процентке төмендеді. Тауар айналымы өткізу 11, оның ішінде ірі кәсіпорындар бойынша 20 процентке төмендеді. Экономикалық сектор бойынша мұнай және металдар бағасының төмендеуі есебінен тау-кен өндіру өнеркәсібінде түсімдер 44 процентке төмендеді.

Ақерке Бектас