Шымкентте өкпені жасанды желдету аппараты шығарылады

Шымкентте өкпені жасанды жолмен желдету қондырғысын шығаратын кәсіпорын іске қосылды. Мұнда тәулігіне 20-25 ИВЛ аппараты құрстарылады. Оған қажетті бөлшектердің тең жартысын зауыттың өзі өндірсе, қалғаны Қытай, Германия және Америка елдерінен әкелінуде. 

Сондай-ақ, кәсіпорын тыныс алуға арналған турбиналық аппарат, жаңа туған нәрестелер үшін инкубатор, функционалды кереуеттер, медициналық сорғыларды да шығаратын болады. Қазір медициналық жабдықтарға деген сұранысқа сай зауыт 126 өкпені желдету қондрығысын, 318 реанимациялық монитор және 500-ге тарта Бобров аппаратын шығаруға тапсырыс алды. 

Мұрат Әйтенов, Шымкент қаласының әкімі:

Бір жақсы жері - бұның бағасы да, сапасы да өте керемет. Екіншіден, техникалық сервис мүмкіндігі бар. Бірінші 88 аппаратты осы аптада Шымкент қаласы ауруханаларына жеткіземіз. 

Ғани Қалмахан