Микроқаржылық ұйымдардың қызметі банктерге теңестірілуі мүмкін

Енді микроқаржылық ұйымдардың қызметі банктерге теңестірілуі мүмкін. Ұлттық экономика министрі бұл қарыз алушылардың құқығын қорғау үшін жасалмақ дейді. Руслан Дәленовтың айтуынша, микроқаржы ұйымдарының пайыздық мөлшерлемесі жоғары. Тіпті айыппұл мен комиссияның құны да шарықтап кеткен. Сондықтан қаржы нарығында адал бәсекелестікті сақтау үшін барлығына талап бірдей болмақ. Яғни кредиттің шекті мөлшерлемесі бойынша талап қойылады.  

Руслан Дәленов, Қазақстан Республикасының Ұлттық экономика министрі:  

-Меніңше, қарыз алушылардың жағдайы жақсарады. Қарыз алушылар кейде сауатсыз болуы мүмкін. Аталған ұйымдар осыны пайдалануы мүмкін. Бұл азаматтарымыздың құқықтарын бұзады. Себебі осындай ұйымдар қазіргі таңда реттелмейді.  

Ақерке Бектас