Баянауылдың экс-әкімі тұтқындалды

Баянауылдың экс-әкімі Оразгелді Қайыргелдинов тұтқындалды. Жемқорлыққа қарсы агенттік өкілдерінің мәліметінше, күдікті ауданда әуежай салу үшін пайдалануға жарамсыз нысанды 240 млн теңгеге заңсыз сатып алған. Баянауылда, шағын авиацияға қызмет көрсету аэродромының құрылысы үш жыл бұрын басталған еді. Оған сол кезде облыс әкімі болған Болат Бақауов мұрындық болды. Тіпті, экс- әкім ұшақпен сол жерге қонып, әуе кеңістігі арқылы Баянауылға туристік маршрут ашылды деп жариялады. Биыл қаңтарда қос әкімге қатысты іс қозғалып Бақауов шартты мерзімге сотталды. Ал 10 ай бойы жалғасқан тергеу амалдарынан кейін Оразгелді Қайыргелдинов 2 ай қамауда болады. 

Болат Аманбаев