Қостанай облысында медициналық мекемелердің дайындығы тексерілді

Қостанай облысында қоғамдық бақылау өкілдері шілде айынан бері медицина саласының 20 нысанын тексерген. Бұлар - ауруханалар мен стационарлар және дәріханалар. Өңірде ерікті азаматтардан жасақталған 22 қоғамдық бақылауышы бар. Олар жұмыс барысында тек ірі қалалар мен аудан орталықтарын ғана емес шалғай ауылдарды да қамтуға тырысады. Жаз айларында аймақта дәрігерлер тапшылығы, жасанды тыныстандыру құрылғыларының, дәрі-дәрмектің жетіспеушілігі байқалған.    

Гүлмира Қапенова, облыстық қоғамдық бақылаудың үйлестірушісі:  

-Өкінішке қарай денсаулық сақтау саласындағы реформалар шалғай ауылдардағы дәріханалардың жойылып кетуіне әкеп соқтырды. Аздаған шағын дәріханалар сұранысты өтей алмайды. Сондықтан әрбір аудандық емхана жанынан елді мекендерге дәрі-дәрмек жеткізетін мобильді топтар құрылды. Соның нәтижесінде қазір дәрі тапшылығы жоқ. Жасанды тыныстандыру аппараттары да жеткілікті.   

Дәуренбек Әбдібек