Шымкентте 100-ге жуық адам жиналған қыз ұзату тойы тоқтатылды

Кезекті рейд барысында шымкенттік полицейлер қыз ұзату тойының үстінен түсті.

Сыртқы қақпаны құлыптап алған той иелері 100-ге жуық адамға дастархан жайған. Құқық қорғаушылар кіріп барған сәтте тойға жиылғандар ортада думандатып билеп жүрген. Тексерушілер сол жерде музыканы өшіріп, адамдарды таратып жіберді. Мейрамхана иесі мен той жасаған отбасыға хаттама толтырылды. Жалпы карантин тәртібі енгізілгелі бері Шымкент қаласында 910 құқықбұзушылық анықталған.

Ғани Қалмахан