Мейрамдар қарсаңындағы жеңілдік кезінде алаяқтық 3 есеге дейін өседі - сарапшылар

Түрлі мейрам қарсаңындағы жеңілдік кезінде саудада алаяқтық 3 есеге дейін өседі. Нарыққа бақылау жүргізген сарапшылар тұрғындарды сақ болуға шақырды. Интернет-алаяққа алданған адам орта есеппен 12 мың теңге жоғалтса, түрлі акциялар кезінде шығын 36 мың теңгеге жеткен. Қаржы секторына жасалған кибершабуыл да жыл соңында бірден 10%-ға көбейеді. Сондықтан почтаға келген немесе әлеуметтік желідегі фишингтік, белгісіз сайттарды ашпаңыз. Төлем жасайтын кезде сайт мекенжайын мұқият тексеріңіз. Мамандар онлайн саудаға бөлек банк картасын ашуға кеңес береді.  

Ақерке Бектас