ОПЕК+ отырысы тағы кейінге шегерілді

ОПЕК+ негізгі ойыншылары мұнай өндіруді қысқарту туралы келісімге келе алмай, отырысты тағы кейінге шегеріп тастады. Ал бұл уақытта мұнай бағасы 1,5 процентке арзандап, Brent баррелі 47,75 доллар, WTI 44,87 долларға түсті. Сауд Арабиясы өндіруге қатысты қазіргі шектеуді сақтап қалуды ұсынды. Қазір мұнай өндіру тәулігіне 7,7 миллион баррель шамасында. Ал Ресей көлемді біртіндеп 0,5 млн баррельге дейін арттыру қажет деп есептейді. Дегенмен БАӘ қара алтын өндіру көлемін тек келер жылдың соңына қарай арттыруға болатынын айтады. Өйткені коронавирустың екінші толқыны күшейіп келе жатқанда, сұраныс та азайып барады.   

Ақерке Бектас