COVID-19: Түркияда коменданттық сағат жарияланды

Түркияда жаңажылдық демалыс күндері ел аумағында коменданттық сағат жарияланды. Халыққа бейнеүндеу жолдаған ел Президенті Режеп Тайып Ердоған 31 желтоқсаннан-4 қаңтар аралығында кешкі 21.00-ден бастап таңғы 5.00-ге дейін көшеге шығуға тыйым салынатынын жариялады. Соңғы айда ел бойынша коронавирус жұқтырғандар саны күрт артып кетті, сол себепті осындай шаралар қабылданып отыр. 

Режеп Тайып Ердоған, Түркия Президенті:
Тазалық, маска, арақашықтықты ұмытпайық. Вирустың жылдам таралуы мен ауруханаларда науқастардың артқанын ескеріп, сенбі-жексенбі күндері ғана емес, мереке күндері де көшеге шығуға болмайды. 

Айдос Әшімұлы