2021 жылы мейрамханадағы тағам бағасы 15% қымбаттайды

Ақпан айынан бастап мейрамханадағы тағамдардың бағасы 15%-ке дейін қымбаттайды. Дәмханалар желісінің иелері осындай болжам жасады. Айтуынша, бұған инфляция мен импорттық азық-түлік бағасының қымбаттауы себеп. Ал Қазақстандағы рестораторлар клубының басшысы биыл тамақтану нысандарының 30%-і жабылып қалғанын айтады. Алдағы уақытта тағы 20 проценті кәсібін тоқтатуы мүмкін. Қазақстанда қоғамдық тамақтану бойынша қызмет карантинде 33% азайды. Саладағы кәсіпкерлердің үштен бірі қызметкерлердің 40 процентін жұмыстан шығарған.  

Ақерке Бектас