Павлодарда азық-түлік қымбаттады

Павлодарда азық-түлік қымбаттады. Мәселен, картоп бағасы 120 теңгеден 190 теңгеге бірақ көтерілген. Айта кету керек, биыл облыс шаруалары 500 мың тонна картоп жинаған болатын. Ішкі сұраныс 75 мың тоннадан сәл-ақ асады. Оның үстіне өткен күзде жергілікті билік бағаны тұрақтандыру қорына жеткілікті өнім салынды деп мәлімдеген болатын. Соған қарамастан бағасы шарықтап кетті. Одан өзге қияр мен жұмыртқа бағасы да көтерілді.    

Медет Шоқанов, облыс бойынша кәсіпкерлік және сауда басқармасы басшысының орынбасары:  

Картоптың бағасының өсуі ауа райының күрт суытуымен байланысты болды. Көтерме сауда жасайтындар сақтау қоймаларынан өнімді шығара алмай қойды. Қазір 35 дүкенге өнім жіберіп жатырмыз. Азық-түлікпен қамту қорында 120 мың тонна картоп бар. 88-90 теңгеден сатылады.  

Болат Аманбаев