Алматы облысында ұшақ апаты кезінде қаза тапқандардың бірі шаруа қожалығының иесі

Алматы облысындағы ұшақ апатынан екі адам қаза болды. Олардың бірі - ұшқыш Хамит Ақбергенов, ал, екіншісі - шаруа қожалығының иесі Мәсімжан Мәсімов. «Қазавиа» әуе компаниясына қарайтын ұшақ бүгін Панфилов ауданында Шолақай ауылының жанында құлаған болатын. Экипаж әуеде химиялық жұмыстар жүргізіп жатқан. Ауылдық округ әкімі Таиржан Асмуталаевтың айтуынша, ұшақ бос астық қырманына құлаған. Ұшқыш ЯК-12-ні ауылдан алысырақ әкету үшін осындай әрекетке барған көрінеді. 

Альбина ӘШІМ