Сенат төрағасы Мәулен Әшімбаев Өзбекстан елшісімен кездесті

Қазақстан мен Өзбекстан парламентаралық ынтымақтасты нығайта түсуге мүдделі. Сенат спикері Мәулен Әшімбаев пен Өзбекстанның Қазақстандағы елшісі Саидикрам Ниязходжаевтың кездесуінде осы бағыттағы жоспарлар пысықталды. Екі ел арасындағы экономикалық және мәдени-гуманитарлық байланысты дамыту жайы да сөз болды. Өзбекстан – Қазақстанның Орта Азиядағы негізгі сауда серіктестерінің бірі. Өзара ықпалдастық қос мемлекет үшін де маңызды. Сондай-ақ Мәулен Әшімбаев Өзбекстан тарапына еліміздегі Мәжіліс пен мәслихат сайлауы кезіндегі белсенділігі үшін алғыс айтты.

Альбина Әшім