Екібастұзда ер адамды атып өлтірген күдікті ұсталды

Екібастұз қаласында 61 жастағы ер адамды атып өлтірген күдікті ұсталды. Естеріңізге сала кетейік, оқиға кеше таңғы 08.00 шамасында болды. Қоқыс төгу үшін далаға шыққан азаматты басқа бір адамның артынан келіп атқаны бейнебақылау камерасына түсіп қалды. Жантүршігерлік жағдай сол аумақта жүрген бірнеше адамның көз алдында болған. Іле басталған жедел іздестіру шараларының нәтижесінде күдікті ұсталып, үйінен шолақ мылтық табылды. Оқиғаның мән жайы анықталуда. 

Жасқайрат Қайыров, Полиция департаменті бастығының бірінші орынбасары:
 65 жастағы ер адам ұсталды. Тінту барысында адам өлтіруге қолданылуы мүмкін қару табылды. Сотқа дейінгі тергеу амалдары жүріп жатыр. Күдікті уақытша ұстау изоляторына қамалды.

Болат Аманбаев