Қырғыз Республикасының Президенті қазақ кәсіпкерлерімен кездесті

Қырғыз президенті мен «Атамекен» ұлттық кәсіпкерлер палатасы Басқарма төрағасы, қазақстандық кәсіпкерлермен кездесіп, екі елдің экспорты мен инвестициялық мүмкіндіктерін талқылады. Садыр Жапаров қос мемлекеттің сауда-экономикалық байланысы тығыз екенін, сондай-ақ Қырғызстан үшін Қазақстан негізгі сауда серіктесі екенін атап өтті. 

«Қазір көрші ел аумағында кәсіп ашып, үлкен бизнес жүргізіп отырған қазақстан азаматтары көп. Дегенмен біз екіжақты бизнес жүргізу мүмкіндігімізді толық пайдаланып отырған жоқпыз. Мұны мойындауымыз керек. Бүгін жасаған түрлі келісімдерден кейін кәсіпкерлеріміз де тығыз жұмыс істей бастайды деген сенімдемін. Ал мен Қырғызстан тарапынан кәсіпкерлер мүддесін қорғау үшін, барлық жағдайды жасауға тырысамын», - деді Қырғыз президенті.

Оңғар Алпысбайұлы