Қостанайда полиция қызметкері сыныптасын атып өлтірді

Қостанайда полиция қызметкері өзіне қоқан-лоқы көрсеткен сыныптасын атып тастады. Он шақты адам тіркелген ортақ чатта кикілжің шыққан. Бұрын сотталған азамат полиция қызметкерін бір топ адам ертіп келіп ұрып, пышақтаймын деп бопсалаған. Біраздан соң ол танысын ертіп құқық қорғаушының үйіне келеді. Аңшы мылтығын алып сыртқа шыққан полиция оны сол жерде атып өлтірген. Тергеу жүріп жатыр.

Дәуренбек Әбдібек