Павлодар облысының тас жолында 10 автокөлік соқтығысты

Павлодардың іргесіндегі Ребровка ауылы маңында 10 автокөлік соқтығысты. Зардап шеккен алты адам ауруханаға жеткізілді. Арасында 5 жастағы бала бар. Апат ақтүтек боранның салдарынан болған. Оның үстіне көктайғақ тағы бар. Жеті жеңіл және үш ауыр көлік соқтығысқан. Алдымен Лада көлігі тайып, оппы қарға кіріп кеткен. Ізінше басқалары соғылған. Ауа райы күрт бұзылған соң, Павлодар облысы аумағындағы барлық бағыттар бойынша жолдар жабылды.

Болат Аманбаев