Солтүстік Қазақстанда еліктер қырылып жатыр

Солтүстік Қазақстан облысында еліктер қырылып жатыр. Жануарлардың өлексесі түсірілген бейнежазбалар әлеуметтік желілерде тарады. 

Қалың қарда тебіндей алмай, азық іздеген еліктер жолдарды жағалай бастаған. Бейнежазба авторлары олардың аштықтан өліп жатқанына шүбә келтірмейді. Ал орман шаруашылығы инспекциясының мамандары болса, еліктерді көлік қағып кеткен дегенді айтады.

Олег Беспалов, СҚО Орман шаруашылығы және жануарлар әлемі аймақтық инспекциясының бөлім басшысы:
Өңірде мұндай 10 факті тіркелді. Еліктер еркін жануарлар. Олар барлық жерде жүре береді. Сондықтан көлік астына жиі түседі. Өткен жылғы есеп бойынша облыс көлемінде 18 мыңға жуық елік тіркелді. Қазір жабайы аңдарды есептеу жұмыстары жүріп жатыр.

Эльмира Кәленова