Алматы облысында блок-бекеттер қойылды

«Сары» аумаққа өткен Павлодар облысында карантиндік шектеулер күшейтілді. Аймақтың бас мемлекеттік санитарлық дәрігері жаңа қаулыға қол қойды. Енді 15 сәуірден бастап демалыс күндері әлеуметтік, мәдени және спорттық нысандардың жұмыс істеу мерзімі қысқартылады. Онда баратын адамдардың да саны шектеледі. Ал кейбір шаралардың өткізілуіне мүлдем тыйым салынады.

Батырбек Әлиев, облыстың бас санитарлық дәрігері:
Отбасылық жиын өткізуге,  Биллиярд, компьютер клубтарынның, боулинг орталықтарының қызметіне тыйым салынады.

Алматы облысының Көксу ауданында ауыл арасында 9 блок-бекет қойылды. Соңғы аптада 90-ға жуық адам індет жұқтырған. Бекеттерде тәртіп сақшылары мен әкімдік қызметкерлері ауылға кірген көліктерді тіркеп, жүргізушілер мен жолаушыларға сақтық шаралары туралы түсініктеме беруде.

Қуаныш Қанатұлы